Respublikanski biudžet na 2013 hod budzie biezdeficytnym
Respublikanski biudžet na 2013 hod budzie biezdeficytnym. Heta praduhledžana prajektam biudžetu,paviedamiŭ žurnalistam 26 vieraśnia staršynia kamisii pa biudžecie, finansach i padatkovaj palitycy pałaty pradstaŭnikoŭ Alaksandr Antonienka 26 vieraśnia ŭ Minsku.
«Realnyja dachody biudžetu vyrastuć praparcyjanalna rostu VUP i składuć prykładna 30%», — paviedamiŭ jon.
Adkryvajučy pašyranaje pasiadžeńnie parłamienckaj kamisii, Antonienka paviedamiŭ, što biudžet nosić vyjaŭleny sacyjalny charaktar i praduhledžvaje apieradžalny rost tempaŭ raschodaŭ na achovu zdaroŭja, navuku i adukacyju.
Antonienka paviedamiŭ, što praca nad prajektam biudžetu idzie ź viasny, i, niahledziačy na parłamienckija vybary, deputaty aktyŭna ŭdzielničali ŭ pracy nad im.
Prajekt respublikanskaha biudžetu na 2013 hod pastupiŭ u pałatu pradstaŭnikoŭ 25 vieraśnia. Płanujecca, što jon budzie pryniaty ciapierašnim składam nižniaj pałaty parłamienta, apošniaja siesija jakoha adkryjecca 2 kastryčnika.