Biełaruski bank VTB stanie rasijskim amal na 100%

Rasijski «Bank VTB» padvysiŭ svaju dolu ŭ struktury biełaruskaha «Banka VTB» z 71,4% da 97,3%.

Naziralnaja rada adkrytaha akcyjaniernaha tavarystva «Bank VTB», druhoha pavodle vieličyni banka Rasii, 1 kastryčnika ŭchvaliła zajaŭlenuju ŭhodu adnosna vykupu dziaržaŭnaha pakieta 25,9% akcyj biełaruskaha «Banka VTB». Aktyvy banka pa vynikach pieršaha paŭhodździa 2012 hoda nablizilisia ŭ ekvivalencie da 800 miljonaŭ dalaraŭ.

Raniej płanavałasia, što pracedura pryvatyzacyi biełaruskaj «dački» zavieršycca da kanca 2012 hoda, adnak baki spracavali z apiaredžańniem hrafiku.

Aproč taho, nahadvajuć ekśpierty, rasijskaj hrupie VTB naležyć bank «Maskva-Minsk». I choć biełaruski bok nibyta viadzie pieramovy pra vykup hetaj finansavaj ustanovy z metaj dalejšaha jaje abjadnańnia z «Bielinviestbankam», umovy i akaličnaści mahčymaj uhody nie ahałošvajucca.

Kamientary da artykuła