U Tehieranie razahnali demanstracyju suprać padzieńnia ryjała
U centry Tehierana adbylisia sutyknieńni pamiž palicyjaj i demanstrantami, jakija pratestavali suprać rezkaha padzieńnia kursu nacyjanalnaj valuty — ryjała.
Palicyja ŭžyła ślozaciečny haz. Demanstranty padpalvali šyny i śmiećcievyja baki. Mnohija byli aryštavanyja. Za apošnija niekalki dzion kurs ryjała ŝ adnosinach da dalara ŭpaŭ na 30%.
Kala 100 aburanych haspadaroŭ kram i abmiennych punktaŭ sabralisia pierad budynkam Centralnaha banka, dzie ich razahnała palicyja.
Šmatlikija kramy na centralnym rynku Tehierana začynienyja ŭ znak salidarnaści z prysutnymi.
Niekatoryja analityki miarkujuć, što akcyja pratestu była arhanizavana kansiervatyŭna nastrojenymi supiernikami prezidenta Machmuda Achmadziniežada, jakija spadziajucca zrynuć jaho z pasady prezidenta.