5 kastryčnika adznačajuć Suśvietny dzień nastaŭnika
Heta prafiesijnaje śviata nastaŭnikaŭ, vykładčykaŭ i rabotnikaŭ śfiery adukacyi było zasnavanaje ŭ 1994 hodzie i jaho padtrymlivajuć u bolš jak 100 krainach śvietu.
U hety dzień adznačajuć zasłuhi i rolu nastaŭnikaŭ u pracesie jakasnaj adukacyi na ŭsich uzroŭniach, a taksama ich nieacenny ŭniosak u raźvićcio hramadstva. AAN prapanuje baćkam i ŭsim hramadzianam na chvilinu zadumacca, jak źmianiŭ ich žyćcio dobry nastaŭnik, pamiać pra jakoha jany zachavali.
Biełaruś, jak i bolšaść byłych savieckich respublik tradycyjna adznačaje Dzień nastaŭnika ŭ pieršuju niadzielu kastryčnika.A voś bližejšaja susiedka Rasija pierajšła na suśvietny kalandar jašče 18 hadoŭ tamu, kali śviata abviaścili.