NTV zrabiła čarhovy vykryvalnicki film pra rasijskuju apazicyju «Anatomija pratestu — 2»
Sieryja pryśviečanaja lidaru «Levaha frontu» Siarhieju Udalcova i jahonym suviaziam z hruzinskimi palitykami.
Na NTV vyjšła druhaja častka vykryvalnickaha filmu «Anatomija pratestu».
Hałoŭnymi hierojami filma stali lidar «Levaha frontu» Siarhiej Udalcoŭ i kiraŭnik kamiteta parłamienta Hruzii pa abaronie i biaśpieki Hivi Tarhamadze, jaki nibyta zajmajecca aktyŭnaj padtrymkaj pratestaŭ u Rasii.U filmie Tarhamadze nazyvajuć «kanstruktaram kalarovych revalucyj».
Jak vynikaje ź filma, Udalcoŭ i Tarhamadze viali pieramovy ab uziaćci ŭłady ŭ šerahu rasijskich haradoŭ, u pryvatnaści, u Kalininhradzie i Uładzivastoku.Jak miarkujecca, havorka navat išła pra pachod na Kreml. Tak, u adnym z telefonnych razmovaŭ čałaviek z hołasam, padobnym na hołas Udalcova, kaža surazmoŭcu ab płanie zachopu zvanicy Ivana Vialikaha na Sabornaj płoščy Maskoŭskaha Kramla.