Mocny viecier sarvaŭ dach z Safijskaha sabora ŭ Połacku — dadalisia foty

Niekalki socień nasielenych punktaŭ krainy abiastočanyja.

Jak paviedamili ŭ MNS, mocnyja paryvy ​​vietru paškodzili kala 300 kvadratnych mietraŭ blašanaha dachu Safijskaha sabora.

Elektryčnaść była adklučana ŭ niekalkich sotniach nasielenych punktaŭ, u asnoŭnym u Viciebskaj vobłaści, na jakuju prypaŭ asnoŭny ŭdar stychii.

Taksama abiastočanyja niekalki nasielenych punktaŭ u Hrodzienskaj, Minskaj i Mahiloŭskaj abłaściach.

Minułaj nočču pa paŭnočna-zachodniaj pałovie Biełarusi paryvy ​​vietru dasiahali 15–22 mietraŭ za siekundu, a ŭ asobnych rajonach Viciebskaj vobłaści — 24–28 mietraŭ za siekundu.

Zaraz avaryjnyja słužby viaduć adnaŭlenčyja raboty na elektrasietkach.

Zaraz cykłon sychodzić, adnak pa poŭnačy krainy paryvy ​​vietru ŭsio jašče mohuć dasiahać 23–25 ​​mietraŭ za siekundu.

Kamientary da artykuła