Biełarus vyjhraŭ konkurs na najlepšy klip dla Sigur Ros — videa
Praca Rusłana Fiadotava nabrała najbolšuju kolkaść hałasoŭ karystalnikaŭ.
Biełaruski režysior Rusłan Fiadotaŭ vyjhraŭ konkurs na najlepšy klip dla suśvietnaviadomaha isłandskaha hurtu Sigur Ros. Pieramožca abiraŭsia šlacham hałasavańnia
Ahułam na konkurs było dasłana kala adnoj tysiačy prac z usich kutkoŭ płaniety. Jak havorycca na sajcie hrupy,
klip biełarusaŭ atrymaŭsia hłyboka atmaśfiernym i biezdakornym.
Muzyki nahadvajuć, što piać hod byŭ abvieščany anałahičny konkurs na najlepšy klip pa śladach isłandskaha turu Sigur Ros «Heima». Tady svaje pracy dasłali tolki 57 kamand.
Razam z tym, muzyki pakinuli za saboj prava nazvać najlepšy klip pavodle svajho hustu. Jon budzie abrany padčas Łondanskaha kinafiestyvala, a imiony aŭtaraŭ apublikujuć na sajcie hurta 15 kastryčnika. Pieramožca atrymaje ad muzykaŭ premiju — 5 tysiač dalaraŭ.