Lefkovicu i Kabiłku — nobieleŭskija premii pa chimi

Nobieleŭskaja premija pa chimii prysudžana amierykancam Robiertu Lefkovicu i Brajanu Kabiłku, paviedamiŭ Karaleŭski nobieleŭski kamitet.

Nobieleŭskuju premiju 2012 hoda pa chimii ŭručyli «za daśledavańni receptaraŭ, spałučanych z HTFazami». Hetyja białki (GPCR) udzielničajuć u pieradačy sihnałaŭ pamiž kletkami. Łaŭreatami stali amierykanskija bijachimiki Robiert Lefkovic (Robert Lefkowitz) i Brajan Kabiłka (Brian Kobilka).

Uračystaja cyrymonija ŭznaharodžańnia projdzie ŭ Stakholmie 10 śniežnia.

Receptary, spałučanyja z HTFazami, abo, jak ich jašče nazyvajuć, G-białkami, źjaŭlajucca vielmi važnym typam receptaraŭ, asabliva dla mnahakletačnych arhanizmaŭ. Asnoŭnym adroźnieńniem hetaha typu receptaraŭ źjaŭlajecca najaŭnaść siami tranśmiembrannych damienaŭ i ŭnutrykletkavaj častki, jakaja złučaje HTFazy (jany hidroliz huanidzintryfasfat-HTF). Aktyvacyja receptaraŭ zapuskaje ŭnutrykletačny sihnalny kaskad, jaki pryvodzić da źmieny pracy śpiecyfičnych hienaŭ.

Da typu GPCR adnosiacca, naprykład, receptary adrenalinu. Jany składajuć kala 40 adsotkaŭ usich receptaraŭ, na jakija dziejničajuć sučasnyja leki.

Robiert Lefkovic naradziŭsia ŭ 1943 hodzie ŭ Ńju-Jorku. Stupień doktara miedycyny jon atrymaŭ u 1966 hodzie ŭ Kałumbijskim univiersitecie. Zatym vučony pracavaŭ u miedycynskim centry Hovarda Chjuza i ŭ Univiersitecie Dziuka ŭ Paŭnočnaj Karalinie. U 1968 hodzie Lefkovbcu z kalehami atrymałasia bijachimičnymi mietadami vyjavić β-adrienerhičny receptar.

Brajan Kabiłka naradziŭsia ŭ 1955 hodzie ŭ Miniesocie. Jon skončyŭ Jelskuju miedycynskuju škołu, a ciapier pracuje ŭ Stenfardzie. Jon praciahnuŭ daśledavańni Lefkovica i pieršym kłanavaŭ hien čałaviečaha β-adrenerhičnaha receptara. Paraŭnalny analiz jaho paśladoŭnaści dazvoliŭ vyjavić ceły kłas receptaraŭ, paśla nazvanyja receptarami, źviazanymi z G-białkami.

Kamientary da artykuła