Armada špakoŭ adpracoŭvała ŭ Minsku hrupavy piłataž — fotafakt
Napiaredadni chaładoŭ pieralotnyja ptuški źbirajucca ŭ vielizarnyja čarody, kab padrychtavacca da šmatkiłamietrovych pieralotaŭ tudy, dzie ciaplej.
Karespandent BiełaPAN staŭ śviedkam «źlotu» špakoŭ, jaki adbyvaŭsia nadoječy pobač z MKAD. Pasieŭšy strojnymi šerahami na dratach vysakavoltnych linij ptuški, niby pavodle niabačnaj kamandy, družna ŭzdymajucca ŭ šeryja vosieńskija niabiosy, adpracoŭvajučy fihury «hrupavoha piłatažu».
Našy špaki zimujuć, jak praviła, na poŭdni Jeŭropy.Kažuć, žychary niekatorych haradoŭ Italii ŭ hetuju paru imknucca nie źjaŭlacca na vulicy ŭ viačerni čas,
kali vieraščańnie špakoŭ, jakija chmarami lotajuć nad vulicami i płoščami, zdolna zahłušyć navat šum transpartu.