Łukašenka — parłamientu: Ataki niadobrazyčliŭcaŭ adbityja
Čatyry hady pracy pałaty pradstaŭnikoŭ
«Kryzisnyja źjavy ŭ ekanomiki dakacilisia i da Biełarusi. Našy źniešnija i ŭnutranyja niadobrazyčliŭcy pastajanna atakavali dziaržavu, sprabujučy razburyć hałoŭnuju zavajovu apošniaha dziesiacihodździa — stabilnaść, spakoj i mir u hramadstvie.My heta pieraadoleli. U hetym jość i zasłuha parłamienta», — zajaviŭ Łukašenka.
Usie hetyja hady, pa jaho słovach, parłamient zastavaŭsia «najvažniejšaj aporaj palityčnaj stabilnaści, zmacoŭvaŭ adzinstva ŭłady i hramadstva, spakojna, mudra stvaraŭ zakanadaŭčyja ŭmovy dla realizacyi stratehičnaha kursu našaj dziaržavy».
Łukašenka adznačyŭ, što za čatyry hady pracy pałata pradstaŭnikoŭ pryniała bolš za 430 zakonaŭ. «Pryniataje vami zakanadaŭstva dapamahaje raźvivać ekanomiku, palepšyć žyćcio ludziej, abaraniać ich intaresy», — padkreśliŭ jon.
U pryvatnaści, udakładniŭ Łukašenka, udałosia naładzić efiektyŭny miechanizm uzajemadziejańnia pamiž abiedźviuma pałatami parłamienta, uradam i Administracyjaj prezidenta.
Akramia taho, ličyć Łukašenka, pałacie pradstaŭnikoŭ ŭłaścivaja apieratyŭnaść pry pracy z dakumientami.
«Dla vas stała normaj pryniaćcie zakona na praciahu hoda. Liču, što mienavita zładžanaść i apieratyŭnaść raboty parłamientaryjaŭ šmat u čym dazvolili vyrašać važniejšyja zadačy zabieśpiačeńnia dosyć vysokich tempaŭ ekanamičnaha raźvićcia, sacyjalnaha miru i stabilnaści ŭ hramadstvie na fonie kryzisnych źjaŭ u suśvietnaj ekanomicy», — skazaŭ Łukašenka.