Sprava Juryja Dorna pieradadziena ŭ sud
Hienieralnaj prakuraturaj 10 kastryčnika nakiravana ŭ sud Centralnaha rajona Minska kryminalnaja sprava ŭ dačynieńni da staršyni Iudziejskaha relihijnaha abjadnańnia Juryja Dorna. Pra heta BiełaPAN paviedamili ŭ Hienprakuratury.
Sprava rasśledavałasia hałoŭnym śledčym upraŭleńniem Śledčaha kamiteta Biełarusi.
Dornu inkryminujecca ŭčynieńnie złačynstvaŭ, praduhledžanych č. 3 art. 430 KK (atrymańnie chabaru ŭ asabliva bujnym pamiery), čč. 1, 2, 3 art. 426 KK (pieravyšeńnie ŭłady ci słužbovych paŭnamoctvaŭ), č. 2 art. 243 KK (uchileńnie ad vypłaty padatkaŭ, zboraŭ u asabliva bujnym pamiery), č. 1 art. 427 KK (słužbovaja padrobka), č. 2 art. 377 KK (kradziež, źniščeńnie, paškodžańnie abo ŭtojvańnie dakumientaŭ, štampaŭ, piačatak, kradziež błankaŭ).
Miera strymańnia ŭ dačynieńni da abvinavačvanaha pakinuta raniejšaj — utrymańnie pad vartaj.
Nahadajem, pieršaja kryminalnaja sprava pavodle č. 3 art. 430 KK była raspačataja ŭ dačynieńni da Dorna Śledčym kamitetam Biełarusi ŭ sakaviku hetaha hoda.
Tady paviedamlałasia, što Dorn byŭ zatrymany pry atrymańni niezakonnaj hrašovaj uznaharody ad adnaho z kiraŭnikoŭ subjektaŭ haspadarańnia. Ustanoŭlena, što, źjaŭlajučysia słužbovaj asobaj, adkaznaj za vykanańnie