Ministr Šunievič źlotaŭ u Katar
Ministr unutranych spraŭ Biełarusi Ihar Šunievič 7—10 kastryčnika na čale delehacyi biełaruskaha milicejskaha viedamstva znachodziŭsia z rabočym vizitam u Katary.
Jak paviedamiła ŭpraŭleńnie infarmacyi i hramadskich suviaziej MUS, asnoŭnaj metaj pajezdki byŭ udzieł u 9-j Mižnarodnaj vystavie ŭ halinie biaśpieki "Milipoł Katar—2012" i aznajamleńnie ź dziejnaściu pravaachoŭnych orhanaŭ Katara.
Baki abmiarkoŭvali roznyja aśpiekty realizacyi Miemarandumu ab parazumieńni pamiž uradami dźviuch krain pa pytańniach supracoŭnictva ŭ halinie biaśpieki, a taksama pierśpiektyŭnyja kirunki praktyčnaha ŭzajemadziejańnia. U pryvatnaści, źviazanyja z navučańniem katarskich palicejskich u padraździaleńniach MUS Biełarusi.U ramkach vizitu Šunievič sustreŭsia ź dziaržaŭnym ministram unutranych spraŭ Katara šejcham Abdałoj bien Nasieram bien Chalifaj Al Tani.
Biełaruskaj delehacyi była pradastaŭlena mahčymaść daviedacca, jakim čynam arhanizavana słužbovaja dziejnaść padraździaleńniaŭ MUS i Sił unutranaj biaśpieki Katara.