U Mahilovie ŭ aŭtaparku zhareli dzieviać aŭtobusaŭ

U Mahilovie na terytoryi aŭtobusnaha parka hetaj nočču adbyŭsia pažar. Ahniom paškodžany dzieviać aŭtobusaŭ,

Pavodle danych MNS, 12 kastryčnika prykładna ŭ 4 hadzin ranicy ŭ słužbu ratavańnia pa linii «101» ad apieratara AZS aŭtobusnaha parka pastupiła paviedamleńnie pra ŭzharańnie aŭtobusa na terytoryi filijała «Aŭtobusny park № 1» AAT «Mahiloŭabłaŭtatrans», što raźmieščany ŭ Mahilovie pa vuł. Homielskaja šaša.

Pieršyja padraździaleńni MNS prybyli da miesca vykliku praz 4 chviliny. Było ŭstanoŭlena, što na adkrytaj placoŭcy pamieram 70×70 mietraŭ dla zachoŭvańnia transpartu hareli vosiem aŭtobusaŭ. Usiaho na zachoŭvańni znachodziłasia 52 adzinki techniki.

U 4.35 pažar byŭ łakalizavany, u 4.39 rabotniki MNS likvidavali ŭzharańnie.

U vyniku pažaru paškodžany vosiem adzinarnych aŭtobusaŭ «MAZ-103» i sučlenieny aŭtobus «MAZ-105». Paciarpiełych niama.

Pryčyna pažaru ŭstanaŭlivajecca.

Kamientary da artykuła