Minsk zaraz budzie pašyracca na ŭschod

U Minsku ŭ bližejšy čas buduć budavać žyllo za miežami MKAD va ŭschodnim siektary.

Dla Minska isnuje čatyry płanirovačnyja pajasy.

Pieršy ŭklučaje centralnuju častku horada i abmiažoŭvajecca pieršym transpartnym kalcom, druhi — ad pieršaha da druhoha transpartnaha kalca. Treci pojas zajmaje terytoryju ad druhoha transpartnaha kalca da MKAD, a čaćviorty — ad kalcavoj da miažy pierśpiektyŭnaj haradskoj linii. Akramia taho, asvajeńnie terytoryj pad žyllovaje budaŭnictva praduhledžvaje siem siektaraŭ: paŭnočna-ŭschodni, uschodni, paŭdniova-ŭschodni, paŭdniovy, paŭdniova-zachodni, zachodni i paŭnočna-zachodni. «Pakul dla žyllovaha budaŭnictva zaviaršajecca asvajeńnie terytoryj isnujučaj žyłoj zabudovy, što rekanstrujujucca i ŭščylniajucca, terytoryj novych žyłych rajonaŭ, jakija raźmieščany ŭ pieršym, druhim i trecim pojasie. Ale ŭkazam Prezidenta ad 26 sakavika 2012 hoda numar 141 u haradskuju miažu Minska ŭklučana terytoryja ahulnaj płoščaj 4 tys.ha ź ziamiel Minskaha rajona. Takim čynam, u bližejšy čas žyllovaje budaŭnictva budzie pravodzicca za miežami MKAD va ŭschodnim siektary», — paviedamiŭ vice-premjer.

Anatol Kalinin adznačyŭ, što efiektyŭnaje kiravańnie terytaryjalnym raźvićciom nasielenych punktaŭ krainy ŭ sučasnych dynamičnych sacyjalnych, ekanamičnych i technałahičnych umovach pavinna ažyćciaŭlacca na asnovie horadabudaŭničych prajektaŭ. Hienieralnym płanam pa raźvićciu Minska praduhledžany terytaryjalny rost stalicy. Kali ŭ 2006 hodzie jana zajmała 30,6 tys.ha, to da 2015 hoda daraście da 34 tys.ha, a da 2030-ha — da 54,2 tys.ha, paviedamiŭ namieśnik prem'jer-ministra.-

Kamientary da artykuła