Čym moža skončycca prajezd na čyrvonaje śviatło — videa
Kiroŭca Fiat vyrašyŭ praskočyć na «čyrvonaje». Vynik — avaryja z udziełam troch aŭto.
12 katryčnika na skryžavańni vulic Bahdanoviča i Kupały adbyłosia DTZ z udziełam troch aŭtamabilaŭ, paviedamlaje Auto.onliner.by.
«Fiat Marea ruchaŭsia pa vuł. Bahdanoviča ŭ napramku vuł. Niamihi, nazvanaje skryžavańnie vyrašyŭ pierasiekčy na zabaranialny sihnał śviatłafora, — paviedamiła papiaredniuju viersiju pryčyn zdareńnia Anastasija Cybina, staršy inśpiektar ahitacyi i prapahandy DAI Centralnaha rajona. — Heta parušeńnie było zafiksavana videarehistrataram, rolik vidavočcy pieradali supracoŭnikam Dziaržaŭtainśpiekcyi».
Kiroŭca Fiat Marea prajechaŭ na čyrvonaje śviatło. U pierpiendykularnym kirunku ruchaŭsia Audi Q7. U nastupnuju siekundu adbyłosia sutyknieńnie. Ad udaru Fiat uvajšoŭ u niekiravany zanos, zrabiŭ praktyčna poŭny abarot vakoł ułasnaj vosi i ŭrezaŭsia ŭ Mercedes, što spyniŭsia ŭ sustrečnaj pałasie.
«U vyniku DTZ nichto nie paciarpieŭ, tolki mašyny atrymali paškodžańni, — udakładniła Anastasija Cybina. — Pravodzicca pravierka, vyśviatlajucca pryčyny i abstaviny avaryi».