Aŭstryjec Fieliks Baŭmhartner skočyŭ z vyšyni 39 km — videa
+ fota jahonaha kaściuma
Spartoviec ździejśniŭ śmiarotna niebiaśpiečny truk.
Heta kaśmičny kaścium aŭstryjca.
U strataśfieru Baŭmhartner uźniaŭsia na šary, vyšješym za Statuju Svabody.
Pierad skačkom 41-hadovy Baŭmhartner prajšoŭ daskanały miedahlad.
Skok Baŭmhartnera: infahrafika "Haziety vyborčaj".
Tak heta prykładny vyhladała.
Siła čałavieka i dakładnaść navukovaha raźliku.
U časie skoku aŭstryjec pabiŭ try rekordy: vyšyni skoku, vyšyni palotu na pavietranym šary i chutkaści svabodnaha padzieńnia.
Było dva strašnyja momanty: kali pačalisia zboi ŭ pracy abahrevu tvaru (na hetkaj vyšyni tempieratura i cisk takija, što vadkaści cieła zakipieli b, kali b nie kaśmičny kambiniezon). I druhi, pradkazalny, kali skakuna zakruciła ŭ strataśfiery. Adnak tam nastolki razredžana, što Fieliksu Baŭmhartnieru ŭdałosia vyraŭniacca ŭ svabodnym palocie.
«Biasstrašny Fieliks» skoknuŭ z vyšyni 39 km (bolš čym u try razy vyšej, čym nabirajuć pasažyrskija samaloty), faktyčna z vakuumu. Na takuju vyšyniu jon uźlacieŭ u kapsule, padviešanaj da napampavanaha hielijem šara. Padčas padzieńnia jon dasiahnuŭ chutkaści huku — 1137 km za hadzinu. U ščylnych słajach atmaśfiery Fieliks adkryŭ parašut i paśpiachova pryziamliŭsia.
U časie skoku aŭstryjec pabiŭ try rekordy: vyšyni skoku, vyšyni palotu na pavietranym šary i chutkaści svabodnaha padzieńnia. Heta čarhovy tryumf čałavieka: jahonaj siły voli, navukovaha raźliku i prahnaści ŭ paznańni.