Z centralnaj płoščy KNDR prybrali Lenina i Marksa

Paŭnočnakarejskija ŭłady prybrali partrety Karła Marksa i Uładzimira Lenina z hałoŭnaj płoščy Pchieńjana, paviedamlaje brytanskaja The Daily Telegraph. Miarkujecca, što heta moža być źviazana sa źmienaj palityčnaha kursu KNDR.

Maštabnyja vyjavy kamunistyčnych pravadyroŭ znachodzilisia na płoščy imia Kim Ir Siena, dzie prachodziać parady dy inšyja ŭračystaści, na praciahu niekalkich dziesiacihodździaŭ, navat niahledziačy na ​​karektavańnie daktryny marksizmu-leninizmu ŭ ramkach paŭnočnakarejskaj ideałohii čučchie.

Telegraph udakładniaje, što demantaž partretaŭ byŭ zrobleny minułym letam biez jakich-niebudź bačnych pryčyn. Taki krok zrobleny na fonie aściarožnych sprobaŭ Kim Čen Yna zrabić paŭnočnakarejskaje hramadstva bolš adkrytym i mienš zaležnym ad vajennaj viarchuški.

Kim Čen Yn ŭznačaliŭ Paŭnočnuju Kareju ŭ 2011 hodzie, paśla śmierci jaho baćki Kim Čen Ira. U 2012-m novy lidar byŭ zaćvierdžany na pasadzie pieršaha sakratara Pracoŭnaj partyi Karei i staršyni Kamiteta abarony KNDR, a zatym atrymaŭ vajskovaje zvańnie maršała. Nie dalej jak u kastryčniku jon paćvierdziŭ svaju prychilnaść idejam čučchie i vystupiŭ za rašučuju baraćbu z praniknieńniem u KNDR «varožych ideałohij».

Kamientary da artykuła