Šviejcarcy z Franck Muller inviestavali ŭ Minski hadzińnikavy zavod $2,82 miljona
Šviejcarskaja kampanija Franck Muller invieściravała ŭ madernizacyju i techničnaje pieraasnaščeńnie AAT «Minski hadzińnikavy zavod» (MHZ) $2,82 młn. Pra heta paviedamiŭ pradstaŭnik kampanii Ehie Cibin.
Pavodle danych pradstaŭnika šviejcarskaj kampanii,
z 2010 hoda da hetaha času Franck Muller inviestavaŭ $2,82 młn. i płanuje da kanca biahučaha hoda ŭkłaści ŭ techničnaje pieraŭzbrajeńnie biełaruskaha pradpryjemstva jašče $800 tys.Ehie Cibin taksama adznačyŭ, što apošnija 30 hadoŭ Minskamu hadzinnaha zavodu było nie prosta, adnak Franck Muller hatovy ŭkładvać srodki, kab paetapna palepšyć stan i pazicyi pradpryjemstva na rynkach zbytu. «Dziakujučy prymajemym mieram u budučym mahčyma 70–80 pracentaŭ vyrablenaj pradukcyi pastaŭlać na ekspart i adčuvać siabie davoli ŭpeŭniena ŭ hetaj halinie», — ličyć jon.
Ciapier na zavodzie asvojvajecca vytvorčaść silikatnaha škła dla hadzińnikaŭ, a ŭ budučym płanujecca vyrablać i sapfiravaje škło.Heta vytvorčaść budzie asvojena ŭ Biełarusi ŭpieršyniu, padkreśliŭ hałoŭny inžynier MHZ Andrej Stempień.