Łukašenka: Situacyja ŭ krainie ŭžo daŭno stabilnaja i kiravanaja, naśpieŭ čas bracca za miascovaje samakiravańnie
Alaksandr Łukašenka ličyć nieabchodnym ruchacca napierad u pytańni raźvićcia ŭ krainie miascovaha samakiravańnia.Ab hetym jon zajaviŭ siońnia, vystupajučy na pasiadžeńni pieršaj siesii savieta respubliki piataha sklikańnia.
«Vy abranyja deputatami miascovych Savietaŭ i mienavita tamu asabliva vostra pavinny adčuvać toje, jak žyvuć i raźvivajucca vobłaści, rajony, ahraharadki, pasiołki i vioski,— skazaŭ Łukašenka, źviartajučysia da sienataraŭ. — U suviazi z hetym nie mahu nie skazać pra klučavoj temie: miascovym, abo terytaryjalnym, samakiravańni. Dumaju, nam para tut rušyć napierad.
«Situacyja ŭ krainie ŭžo daŭno stabilnaja i kiravanaja. Naša hramadstva dosyć pastaleła, kab raźvivacca dalej, u tym liku i ŭ płanie stymulavańnia, padtrymki miascovaj inicyjatyvy hramadzian.
Pa sutnaści, miascovaje samakiravańnie — heta i jość znoŭ demakratyi», — miarkuje Alaksandr Łukašenka.
«Vy, ludzi, jakija adkazvajecie za raźvićcio miascovaha samakiravańnia, kantralujecie jaho funkcyjanavańnie, pavinny ŭnieści prapanovy dla taho, kab my zrabili peŭnyja kroki ŭ napramku ŭdaskanaleńnia miascovaha samakiravańnia», — dadaŭ Łukašenka.