Pieršy śnieh budzie na hetym tydni
Pra heta paviedamiŭ siońnia načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ.
Pačynajučy ź piatnicy sinoptyki prahnazujuć istotnaje pachaładańnie. Pryčynaj budzie arktyčnaje pavietra. U piatnicu časam pa krainie čakajecca doždž, jaki i piarojdzie ŭ mokry śnieh. Ranicaj i ŭnačy na bolšaj častcy terytoryi krainy ŭzmocnicca viecier, miescami jaho paryvy dasiahnuć 15–20 mietraŭ.
Tempieratura pavietra na praciahu sutak budzie vahacca ad minus 2 da plus 5 hradusaŭ.
Sinoptyki prahnazujuć dalejšaje panižeńnie tempieratury.
U vychodnyja ŭnačy tempieratura pavietra budzie ad nula da minus 7 hradusaŭ.Tempieratura dniom składzie ŭsiaho minus 2 — plus 4 hradusy. Miescami pa krainie čakajecca mokry śnieh, unačy i ranicaj na asobnych učastkach daroh hałalodzica.
U suviazi z hetym sinoptyki prosiać kiroŭcaŭ aŭtatranspartu być vielmi aściarožnymi i vykonvać praviły darožnaha ruchu.