Biełaruś padniałasia z 69-ha na 58-je miesca ŭ rejtynhu Doing Business
Štohadovy rejtynh składajecca Suśvietnym bankam.
Pa lohkaści viadzieńnia biznesu naša kraina apiaredžvaje Rasiju (112-ja ŭ rejtynhu, pamiž Pałau i Salvadoram), ale adstaje ad Polščy (55-ja), Litvy (27-ja) i Hruzii (9-ja).
U Biełarusi vielmi lohka pačać svaju spravu (my na 9-m miescy ŭ śviecie siarod 185 krain pa lohkaści biurakratyčnych pracedur rehistracyi). Sapraŭdy, biełarus moža zarehistravać pradpryjemstva za adzin dzień: i ŭzhadnieńnie nazvy, i rehistracyja ŭ vykankamie, i adkryćcio rachunku sproščanyja absalutna.
Jašče lahčej u Biełarusi zarehistravać ułasnaść. Idealnaja praca sistemy BTI vyvieła biełarusaŭ na 3-je miesca ŭ śviecie. A voś padatkovaja sistema zastajecca nie prostaj. Pa joj Biełaruś zajmaje 129-je miesca ŭ śviecie, jana biare času, patrabuje najaŭnaści šmatlikaj buchhałteryi.
Nizkija miescy zajmaje Biełaruś i pa lohkaści padklučeńnia da elektraenerhii (171-ja pazicyja siarod 185), dastupnaści kredytaŭ i rehulavańni zamiežnaekanamičnaj dziejnaści.
U cełym pa lohkaści viadzieńnia biznesu kraina praciahvaje prahresavać. U pazaminułym hodzie Biełaruś była tolki 91-j.