Pavieł Lohki staŭ daradcam pasolstva Biełarusi ŭ Rasii
Ale pakul zastajecca i ŭ pres-słužbie Łukašenki.
Kiraŭnik pres-słužby prezidenta Pavieł Lohki pryznačany daradcam pasolstva Biełarusi ŭ Rasii. Heta praduhledžana pastanovaj Savieta ministraŭ Biełarusi № 957 ad 22 kastryčnika. Dakumient zarehistravany ŭ Nacyjanalnym rejestry pravavych aktaŭ Respubliki Biełaruś, ale pakul aficyjna nie apublikavany.
Lohki nie staŭ kamientavać svajo pryznačeńnie, paviedamiŭšy tolki, što "zaŭtra dakładna tak ža, jak i siońnia", vyjdzie na svajo pracoŭnaje miesca ŭ Administracyi prezidenta.
Pavieł Lohki ŭznačalvaje pres-słužbu z 2003 hoda i źmianiŭ na hetaj pasadzie Dźmitryja Žuka, jaki byŭ pryznačany redaktaram dziaržaŭnaha infarmahienctva BiełTA. Razam z kiraŭnikom pres-słužby prezidenta raniej u Alaksandra Łukašenki taksama byŭ pres-sakratar. Apošnim, chto pracavaŭ u hetaj pasady (da 2004 hoda), była Natalla Piatkievič.