Ščučyn: žančyna padpaliła milicejski VAZ
Mašyna znachodziłasia na stajancy Ščučynskaha RAUS. Jak padazrajuć u milicyi, žančynu padšturchnuła na taki ŭčynak žadańnie dapamahčy zatrymanamu mužčynu.«U jakaści padazravanaj vystupaje niepracujučaja žycharka rajona 1966 hoda naradžeńnia, — piša „Hrodzienskaja praŭda“ sa spasyłkaj na načalnika śledčaha padraździaleńnia Ivana Novikava. — Paśla taho jak jaje sužyciela dastavili ŭ rajadździeł za ździajśnieńnie drobnaha chulihanstva, žančyna advažyłasia na nieabdumany krok».
«Jana pieralezła praz płot i prajšła na terytoryju rajadździeła ŭnutranych spraŭ. U toj momant, kali połymia ŭžo pierabrałasia na ščytok piaredniaha kryła, na vulicu vyjšaŭ pamočnik apieratyŭnaha dziažurnaha RAUS. Jon patušyŭ ahoń i zatrymaŭ złamyśnicu».
Matyvacyja takoha ŭčynku pakul nie zrazumiełaja supracoŭnikam RAUS: sužyciela padazravanaj pryciahnuli da administracyjnaj adkaznaści mienavita za toje, što jon usčaŭ ź joj skandał. Kančatkovuju viersiju taho, što adbyłosia, vyśvietlić śledstva.