Azaranka atrymała ŭznaharodu WTA za papularyzacyju žanočaha tenisa

25.10.2012 / 15:30

Nashaniva.com

Pieršaja rakietka śvietu, biełaruska Viktoryja Azaranka ŭ sieradu ŭ Stambule atrymała ad WTA uznaharodu Diamond ACES Award — za ŭniosak u rost papularnaści žanočaha tenisa i aktyŭny ŭdzieł u promamierapryjemstva WTA ŭ siezonie-2012.

«Nievierahodna pryjemna atrymać hety pryz i pryznańnie WTA. Ja takoha nie čakała,

i ja vielmi rada, što maju mahčymaść prynosić ludziam radaść i dapamahać svajmu sportu», — pryvodzić słovy Azaranki aficyjny sajt Asacyjacyi.

Dadamo, Diamond ACES Award, jakaja zasnavana ŭ 1995 h., raniej uručałasia Arancie Sančes-Vikarya, Habryele Sabacini, Amandzie Kietcar, Lindsej Devienport, Marcinie Chinhis, Anastasii Myskinaj, Śviatłanie Kuźniacovaj, Jelenie Jankavič, Anie Ivanavič, Alenie Dziamienćjevaj, Samancie Stosur i Karalinie Vaźniackaj, paviedamlaje sports.ru

Nahadajem, što ŭčora Viktoryja Azaranka ŭ ciažkaj baraćbie vyrvała pieramohu ŭ startavym pajadynku vynikovaha turniru ŭ Stambule ŭ Anhieliki Kierbier — 6:7, 7:6, 6:4.

Siońnia biełaruska zhulaje ź Sierenaj Uiljams. Pačatak hulni prykładna a 19-j. Jaje budzie tranślavać «Jeŭrasport».

Čytajcie taksama:

Kamientary da artykuła