Da devalvacyi hatovyja: za vierasień biełarusy źniali rublovych układaŭ na 3 tryljony
Zatoje valutnyja depazity pavialičylisia na $223 miljony.
Biełarusy pastavili rekord pa źniaćci rublovych układaŭ. Takaja infarmacyja źmiaščajecca ŭ vypuščanym Nacbankam «Biuleteni bankaŭskaj statystyki №9 (159)».
Charakterna, što na praciahu červienia - žniŭnia vydača srodkaŭ z bankaŭskich układaŭ fizičnych asob pastupova źnižałasia, adnak
vierasień pabiŭ hadavy rekord traŭnia i červienia, kali ŭ kožny z hetych miesiacaŭ zdymałasia kala 2,9 tryljona rubloŭ.
U toj ža čas byŭ pastaŭleny hadavy antyrekord pa prytoku najaŭnych srodkaŭ na bankaŭskija rachunki fizičnych asob. U vieraśni jon akazaŭsia samym nizkim z pačatku 2012 hoda i skłaŭ 1,6 tryljona rubloŭ.
Heta pryviało da taho, što
čysty adtok srodkaŭ z rublovych układaŭ fizičnych asob taksama apynuŭsia rekordnym i skłaŭ 1,4 tryljona rubloŭ.
Bolšaja častka hetych srodkaŭ, chutčej za ŭsio, pieraciakła ŭ valutnyja depazity fizičnych asob, jakija ŭ vieraśni pavialičylisia na $222,6 miljona.