Śpis «durno pachnuŝiej litieratury»

Padrychtavany maładym žurnalistam Biełaruskaha telebačańnia Alaksandram Viarbickim siužet dla prahramy Pieršaha nacyjanalnaha kanała «Zona Ch», vypuščany ŭ efir 23 kastryčnika, pavodle zadumy aŭtara, vidać, nie musiŭ pakidać sumnievu:

supracoŭnikam Departamienta finansavych rasśledavańniaŭ Kamiteta dziaržaŭnaha kantrolu ŭdałosia praduchilić bujnuju ideałahičnuju dyviersiju,

I sapraŭdy: u hłuchoj vioscy ŭ Łahojskim rajonie zachoplena bolš za 5,5 tysiač asobnikaŭ «durno pachnuŝiej litieratury»

Uvažlivy asabisty prahlad siužetu daŭ mnie mahčymaść skłaści pryblizny śpis knih, jakija milhali ŭ kadrach padčas ahučvańnia A. Viarbickim «kampramatu».

1. Bartuška, Mark. Partyzanskaja vajna ŭ Biełarusi ŭ 1941—1944 hh.

2. Himžaŭskas, Edmundas. Biełaruski faktar pry farmavańni litoŭskaj diazržavy ŭ 1915—1923 hh.

3. Kasažecki, Kšyštaf. Kampanija 1660 hodu ŭ Litvie.

4. Katlarčuk, Andrej. U cieniu Polščy i Rasiei. Vialikaje Kniastva Litoŭskaje i Švecyja ŭ časie eŭrapiejskaha kryzisu siaredziny XVII st.

5. Kupiš, Daryjuš. Połacak 1579.

6. Łatyšonak, Aleh. Biełastok-Połacak.

7. Łatyšonak, Aleh. Žaŭniery BNR.

8. Łatyšonak, Aleh; Miranovič, Jaŭhien. Historyja Biełarusi ź siaredziny XVIII da pačatku XXI st.

9. Lis-Błonski, Stanisłaŭ. Bałachoŭcy.

10. Łuckievič, Anton. Baraćba za vyzvaleńnie.

11. Łuckievič, Anton. Da historyi biełaruskaha ruchu.

12. Lachoŭski, Uładzimir. Ad homanaŭcaŭ da hajsakoŭ: Čynnaść biełaruskich maładziovych arhanizacyj u 2-j pałovie XIX st. — 1-j pałovie XX st. (da 1939 h.).

13. Lachoŭski, Uładzimir. Školnaja adukacyja ŭ Biełarusi padčas niamieckaj akupacyi (1915—1918 hh.).

14. Miranovič, Jaŭhien. Biełarusy ŭ Polščy (1918—1949 hh.).

15. Niekraševič, Ściapan; Bajkoŭ, Mikoła. Rasijska-biełaruski słoŭnik.

16. Płachij, Siarhiej. Ruski Vaviłon.

17. Stankievič, Jan. Kryŭja-Biełaruś u minułaści.

18. Stankievič, Jan. Jazyk i jazykavieda.

19. Turonak, Jury. Madernaja historyja Biełarusi.

20. Jučas, Miečysłovas. Hrunvaldskaja bitva.

21. Jankoviak, Mirasłaŭ. Biełaruskija havorki ŭ Krasłaŭskim rajonie Łatvii: Sacyjalinhvistyčnaje daśledavańnie.

22. ARCHE. № 5 za 2008 hod.

23. Kniha mahistrata miesta Połacka 1727 h.

24. Palityčnaja historyja niezaležnaj Biełarusi.

25. Revizija Połackaha vajavodstva 1552 hoda.

26. Chryščeńnie nacyi: Masavyja akcyi 1988–2009.

Faktyčna dastatkova adnaho ŭmieńnia čytać pa-biełarusku, kab zrazumieć, što z usiaho hetaha śpisu, jaki składajecca z 26 pazicyj, całkam datyčać Druhoj suśvietnaj vajny tolki dźvie: № 5 «ARCHE» za 2008 hod (22-ja pazicyja ŭ śpisie) i daśledavańnie Marka Bartuški (1-ja pazicyja), častkova dadzienaja tematyka zakranajecca taksama ŭ knizie Juryja Turonka (19-ja pazicyja) i sumiesnym padručniku Aleha Łatyšonka i Jaŭhiena Miranoviča (8-ja pazicyja). Usio astatniaje — daśledavańni, jakija ni tematyčna, ni chranałahična z Druhoj suśvietnaj vajnoj ničoha supolnaha nie majuć.

U suviazi z hetym niemałuju cikavaść ujaŭlaje pytańnie:

chto ž takija hetyja tajamničyja «ekśpierty», na aŭtarytet jakich spasyłajecca A. Viarbicki?

Kamientary da artykuła