Pieršy śnieh prajšoŭ pa ŭsioj Biełarusi: u subotu čakajecca mocny śnieh
Pra heta paviedamiła hałoŭny sinoptyk Respublikanskaha hidramieteacentra Ludmiła Paraščuk.
U minułym hodzie biełarusy nazirali hetu źjavu 15 kastryčnika.
Pavodle słovaŭ hałoŭnaha sinoptyka, mocny mokry śnieh čakajecca ŭ mnohich rajonach u subotu i ŭ noč na niadzielu. Heta abumoŭlena zrušeńniem zpaŭdniova-zachodniaj Jeŭropy atmaśfiernych frantoŭ.
«Na bolšaj častcy terytoryi krainy ŭtvorycca śniežny kilim, adnak pratrymajecca jon niadoŭha: zhodna z papiarednim prahnozam — da kanca kastryčnika.
U pačatku listapada paciapleje i, jak śledstva, śnieh źniknie», — adznačyła Ludmiła Paraščuk.
Pavodle jaje słoŭ, čaściej za ŭsio pieršaje śniežnaje pokryva u Biełarusi ŭtvarajecca ŭ druhoj pałovie kastryčnika, vielmi redka jano byvaje ŭ vieraśni, časam upieršyniu kładziecca tolki ŭ listapadzie i navat paźniej. Samaja rańniaja data ŭtvareńnia pieršaha śniežnaha kilima na terytoryi krainy zarehistravana 23 vieraśnia 1973 ŭ Jeziaryščy (Haradocki rajon Viciebskaj vobłaści). U Minsku najraniej heta było ŭ 1972 hodzie — 29 vieraśnia, paźniej za ŭsio — u 2000 hodzie — 20 śniežnia.
«Čaściej za ŭsio pry vypadzieńni pieršaha śniehu tempieratura pavietra jašče zastajecca stanoŭčaj, tamu pieršy śnieh chutka rastaje», — adznačyła hałoŭny sinoptyk.