Bierłuskoni pryznali vinavatym u finansavych machinacyjach, budzie siadzieć
abnoŭlena, dadadziena
Sud Miłana pryznaŭ byłoha prem'jer-ministra Italii Silvia Bierłuskoni vinavatym pa spravie ab finansavych machinacyjach u miedyjakampanii Mediaset i prysudziŭ jaho da čatyroch hadoŭ turmy. Z ulikam amnistyi 2006 h. termin skaracili da adnaho hoda. Bierłuskoni maje prava dvojčy asprečyć prysud, na čas razhladu sudom apielacyi palityk budzie zastavacca na voli.
U sudzie patłumačyli, što rašeńnie [skaračeńnie terminu da adnaho hoda] było pryniata ŭ adpaviednaści z zakonam ab amnistyi ad 2006 hoda, pryśviečanym Janu Paŭłu II. Zakon praduhledžvaje skaračeńnie terminu źniavoleńnia maksimum na try hady i zaklikany zaścierahčy turmy Italii ad pierapaŭnieńnia.
Sud taksama pradpisaŭ Bierłuskoni vypłacić 10 młn jeŭra (13 młn dalaraŭ) kampiensacyi padatkovym orhanam. Akramia taho, Bierłuskoni taksama zabaranili zajmać dziaržaŭnyja pasady na praciahu troch hadoŭ.
Prakurory prasili prysudzić
Akcyi najbujniejšaha ŭ Italii apieratara kamiercyjnaha televiaščańnia kampanii Mediaset, jakaja naležyć Bierłuskoni, upali na 3% paśla abviaščeńnia prysudu.
Italjanski palityk i inšyja
top-mieniedžary Mediaset abvinavačvalisia ŭ padatkovych machinacyjach pry kupli pravoŭ na viaščańnie amierykanskich filmaŭ dla telekampanii.
Jak vynikaje z materyjałaŭ spravy, Bierłuskoni i inšyja padsudnyja nabyvali pravy na tranślacyju praz afšornyja kampanii pa zavyšanych cenach, a zatym «lišnija» hrošy tracili na palityčnyja i inšyja patreby, nie płaciačy padatkaŭ.
Usiaho pa spravie ab machinacyjach u Mediaset prachodziła 11 čałaviek.
Sam Bierłuskoni nastojvaŭ na svajoj nievinavataści, adkidajučy ŭsie abvinavačvańni.
U Miłanie praciahvajecca druhi sudovy praces z udziełam Bierłuskoni, jakoha abvinavačvajuć u intymnaj suviazi ź niepaŭnaletniaj prastytutkaj z Maroka Karyma El Machruh.