Były kiraŭnik Masada viarnuŭsia ŭ Izrail paśla pierasadki piečani ŭ Biełarusi
Jaho čakaje kurs reabilitacyi ŭ klinicy Tel-Aviva.
Były kiraŭnik Mosada Meir Dahan, jaki prajšoŭ apieracyju pa pierasadcy piečani ŭ Biełarusi, viarnuŭsia napiaredadni ŭ Izrail.
Adrazu paśla prylotu jon byŭ špitalizavany ŭ balnicu ŭ centry krainy. Jaho stan aceńvajecca, jak stabilny. Na dadzieny momant havorka idzie ab doŭhaj adnaŭlenčaj prahramie, jakuju jamu treba prajści.
Jak paviedamlajuć nieaficyjnyja krynicy, rašeńnie pieravieści Dahana na lačeńnie ŭ Izraili było pryniata miedycynskimi instancyjami.Nieviadoma, ci isnuje realnaja pahroza jaho žyćciu ŭ dadzieny momant.
U minułyja dni nabližanyja Dahana paviedamili, što nadyšło prykmietnaje palapšeńnie stanu jaho zdaroŭja.
67-hadovy Dahan byŭ špitalizavany ŭ balnicy ŭ Minsku i znachodziŭsia ŭ poŭnaj izalacyi paśla apieracyi pa pierasadcy piečani. Asnoŭnaj pryčynaj izalacyi była aściaroha pierad mahčymaj infiekcyjaj.
Byłomu kiraŭniku Masada była ekstrana pierasadžanaja piečań ŭ klinicy Minska. Pieršym hetuju infarmacyju abviaściŭ Alaksandr Łukašenka.