Maskva prapanuje Biełarusi viarnuć u rasijski biudžet $1,5 młrd mytaŭ

U chodzie pieramovaŭ nakont umovaŭ pastaŭki nafty ŭ Biełaruś u čaćviortym kvartale 2012-ha i ŭ 2013 hodzie Maskva prapanavała Miensku kampiensavać rasijskamu biudžetu straty ad «rastvaralnaha» biznesu, jakija aceńvajucca prykładna ŭ 1,5 młrd dalaraŭ.

«Rasija prapanavała viarnuć u rasijski biudžet pošliny, niedaatrymanyja ad ekspartu ź Biełarusi rastvaralnikaŭ, razbavicielaŭ, zmazačnych materyjałaŭ i h.d.», — zajaviła ahienctvu «Prajm» krynica ŭ orhanach dziaržkiravańnia.

U kancy minułaha tydnia ŭ Maskvie prajšli pieramovy z udziełam pieršaha vice-premjera biełaruskaha ŭrada Uładzimira Siamaški i namieśnik ministra ekanomiki Anatola Fiłonava.

Vice-premjer RF Arkadź Dvarkovič 26 kastryčnika zajaviŭ, što Rasija i Biełaruś abmiarkoŭvajuć abjomy pastavak nafty na 2012–2013 hady ŭ źviazcy z rašeńniem prablemy ekspartu biełaruskim bokam rastvaralnikaŭ. «Pradmiet pieramoŭ — abjomy pastavak nafty ŭ hetym i nastupnym hodzie, jakija ŭmovy dla hetaha pavinny być vykanany, pierš za ŭsio jakim čynam nieabchodna pamianiać narmatyŭnuju bazu, kab nie paŭtaralisia tyja prablemy, jakija bylisioleta pa pastaŭkach tak zvanych rastvaralnikaŭ», — skazaŭ Dvarkovič.

Rasijskija aficyjnyja asoby nieadnarazova vykazvali zaniepakojenaść tym akaličnaściu, što Minsk moža ekspartavać naftapradukty pad vyhladam rastvaralnikaŭ i razbavicielaŭ z metaj uchileńnia ad vypłaty ekspartnych pošlin u biudžet RF. U siaredzinie vieraśnia biełaruski premjer Michaił Miaśnikovič abviaściŭ, što ekspart rastvaralnikaŭ i razbavicielaŭ z krainy całkam spynieny bolš za miesiac tamu, kab vyklučyć niedavier z boku rasijskich partnioraŭ.

Kamientary da artykuła