Kryminalnuju spravu Jaŭhiena Południa budzie razhladać Vajennaja kalehija Viarchoŭnaha suda
Kryminalnaja sprava ŭ dačynieńni da byłoha namieśnika ministra ŭnutranych spraŭ Biełarusi - načalnika milicyi hramadskaj biaśpieki Jaŭhiena Południa budzie razhladać Vajennaja kalehija Viarchoŭnaha suda.Pra heta paviedamiła pres-sakratar VS Maryja Łapo. Materyjały ŭžo nakiravanyja ŭ Vajennuju kalehiju.
Pavodle jaje słoŭ, zhodna z zakanadaŭstvam, rašeńnie ab pryznačeńni daty pačatku słuchańniaŭ pavinna być pryniataje na praciahu troch miesiacaŭ.
***
Raniej paviedamlałasia, što Hienieralnaja prakuratura 23 kastryčnika ŭ Viarchoŭny Sud Respubliki Biełaruś dla vyznačeńnia padsudnaści nakiravała rasśledavanuju Śledčym kamitetam kryminalnuju spravu, zaviedzienuju ŭ dačynieńni da byłoha namieśnika ministra ŭnutranych spraŭ — načalnika milicyi hramadskaj biaśpieki Jaŭhiena Południa.
Dziejańni Południa kvalifikavanyja pavodle č. 3 art. 424 KK (złoŭžyvańnie ŭładaj ci słužbovymi paŭnamoctvami), čč. 2 i 3 art. 426 KK (pieravyšeńnie ŭłady ci słužbovych paŭnamoctvaŭ asobaj, jakaja zajmaje adkaznuju pasadu) i č. 3 art. 430 KK (atrymańnie chabaru).
Jaŭhien Połudzień byŭ zatrymany 8 śniežnia 2011 hoda.
Praz tydzień jamu było pradjaŭlena abvinavačańnie pavodle častki 3 artykuła 424 KK (złoŭžyvańnie ŭładaj ci słužbovymi paŭnamoctvami). U lutym 2012 hoda ŭ dačynieńni da Południa była raspačata druhaja kryminalnaja sprava — pa prykmietach złačynstva, praduhledžanaha častkaj 3 artykuła 426 KK (pieravyšeńnie ŭłady ci słužbovych paŭnamoctvaŭ asobaj, jakaja zajmaje adkaznuju pasadu). Abiedźvie spravy abjadnanyja ŭ adnu vytvorčaść. Śledstva ŭstanaviła, što Połudzień sistematyčna praciahły čas atrymlivaŭ ad słužbovych asob orhanaŭ unutranych spraŭ materyjalnyja kaštoŭnaści i hrašovyja srodki.