Stvarajecca chołdynh «Minski matorny zavod»

31.10.2012 / 16:45

Heta praduhledžana pastanovaj Savieta ministraŭ № 970 ad 24 kastryčnika 2012 hoda, jakaja aficyjna apublikavana na Nacyjanalnym pravavym internet-partale.

AAT «Minski matorny zavod» stanovicca kampanijaj-kiraŭnikom adnajmiennaha chołdynhu. U skład chołdynhu ŭvajšli jašče try pradpryjemstvy: AAT «Homielski zavod puskavych ruchavikoŭ imia P. K. Panamarenki», AAT «Žytkavicki matorabudaŭničy zavod», AAT «Dośledna-ekśpierymientalny zavod technałahičnaha abstalavańnia» (Minsk).

U adpaviednaści z dakumientam hetyja pradpryjemstvy pavinny ŭnieści da 31 śniežnia 2012 hoda ŭ vyhladzie niehrašovaha ŭkładu ŭ statutny fond AAT «Minski matorny zavod» svaje akcyi, jakija znachodziacca va ŭłasnaści Biełarusi i ŭpraŭleńnia Ministerstva pramysłovaści, u metach stvareńnia chołdynhu.

U suviazi z hetym daručana Ministerstvu pramysłovaści, Dziaržaŭnamu kamitetu pa majomaści «zabiaśpiečyć va ŭstanoŭlenym zakanadaŭstvam paradku dadatkovy vypusk akcyj na sumu pavieličeńnia statutnaha fondu adkrytaha akcyjaniernaha tavarystva «Minski matorny zavod».

AAT «Minski matorny zavod» stvorana na padstavie zahada Dziaržaŭnaha kamiteta pa majomaści Biełarusi ad 30 śniežnia 2008 hoda № 380 šlacham pieraŭtvareńnia vytvorčaha respublikanskaha ŭnitarnaha pradpryjemstva «Minski matorny zavod» i daččynaha respublikanskaha ŭnitarnaha pradpryjemstva «Handlovy dom matornaha zavoda».

Minski matorny zavod — adno z najbujniejšych pradpryjemstvaŭ Biełarusi, viadučy vytvorca sučasnych dyzielnych ruchavikoŭ u SND. Zajmaje pieršaje miesca pa vypusku traktarnych i kambajnavych ruchavikoŭ.

Čytajcie taksama:

Kamientary da artykuła