U Miensku znoŭ zatrymańni
Abnoŭlena
Trapili, jak minimum, piać čałaviek. Jany raspaŭsiudžvali nalepki, što zaklikali ludziej pryjści na «Čarnobylski šlach».
U paniadziełak, a 20‑j viečara ŭ Miensku, na moście, što złučaje vulicu Maskoŭskuju i praspekt Niezaležnaści (u rajonie Čyhunačnaha vakzału) byli zatrymanyja Śviatłana Pankaviec, Jury Žyhałka i jašče try čałavieki. Jany raspaŭsiudžvali nalepki, što zaklikali ludziej pryjści na «Čarnobylski šlach» 26 krasavika.
Usie jany znachodziacca ŭ RUUS Maskoŭskaha rajonu i, napeŭna, tam praviaduć noč.
Śviatłanie Pankaviec - 20 hod, jana navučenka adnoj ź mienskich medvučelniaŭ. Uviesnu minułaha hodu Śviatłana razam z bratam Źmitrom brała ŭdzieł u padziejach na Płoščy.