BIEŁ Ł RUS

Biełaruskaje VajenTV pazyčyła ideju rekłamy kantraktnaj słužby u šviedaŭ — videa

2.11.2012 / 17:56

Siamion Piečanko

U kastryčniku hetaha hoda telekampanija «VajenTV» prezientavała simpatyčny rekłamny rolik, zrobleny na zamovu Ministerstva abarony. Jon zaklikaje da słužby ŭ vojsku pa kantrakcie. Siužet jaho taki: vajskoŭcy na vučeńniach absłuhoŭvajuć tank, zasiakajučy čas.

Nieŭzabavie paśla prezientacyi rolik źniali z sajta «VajenTV» i Ju-Tub. Što mahło pasłužyć pryčynaj vydaleńnia rolika, jaki paśpieli prahladzieć tysiačy čałaviek? Sajt belarmy.by vykazvaje zdahadku, što heta adbyłosia tamu, što rekłamisty, ź jakimi supracoŭničała VajenTV, pazyčyli ideju rolika ŭ zamiežnych vajskoŭcaŭ. Sapraŭdy, «Naša Niva» adšukała vielmi padobny rolik u Šviecyi.

U internecie jon źjaviŭsia 5 hod tamu.

Padabienstva dźviuch rekłam vidavočnaje da drabnic. U šviedskim roliku jość i vožyk, jaki abniuchvaje biercy vajskoŭca, i hałuby, jakija raźlatajucca ŭ baki pry źjaŭleńni tanka, i viertalot (u šviedskaj viersii — hruzavy «Čynuk»), i kubak z haračym napojem, jaki sałdaty dajuć tankistu, pakul absłuhoŭvajuć tank.

Zrešty, paraŭnajcie sami — u Internecie zachavaŭsia rolik «VajenTV»

Čytajcie taksama:

Kamientary da artykuła