Maryna Adamovič: Statkieviča izalujuć, bo nie mohuć złamać
U Mahiloŭskaj turmie eks-kandydata ŭ prezidenty trymajuć va ŭmovach SIZA.
Nahadajem, što palitviaźnia pieraviali sa Škłoŭskaj kałonii ŭ Mahiloŭ, dzie jon pavinien utrymoŭvacca va ŭmovach krytaj turmy.
Pa słovach žonki, Statkieviču chočuć stvaryć takija ŭmovy, jak byccam jaho ŭsie zabylisia. Jon ni razu nie atrymaŭ nivodnaj pieradadzienaj jamu haziety, brašury ci knihi.
Taksama palitviaźniu nie dajuć naviedvać carkvu i sustrakacca sa śviatarom. Pa słovach Adamovič, apošni raz jon byŭ u śviatara na pravasłaŭny Vialikdzień. Z tych časoŭ Statkieviča bolš ni razu da śviatara nie vyvodzili.
Nahadajem, što Statkievič — apošni z aryštavanych eks-kandydataŭ u prezidenty 2010 hoda.