Palez abrazać draty — prycisnuła słupom
Niaščasny vypadak adbyŭsia ŭ vioscy Kluč na Haradoččynie.
Niaščasny vypadak, źviazany ź niezakonnaj zdabyčaj kalarovaha mietału dla jaho nastupnaha prodažu adbyŭsia ŭ Harodckim rajonie.
Jak paviedamili va UUS Viciebskaha abłvykankama, trup mužčyny 1973 hoda naradžeńnia supracoŭniki Haradockaha RAUS vyjavili 25 kastryčnika ŭ vioscy Kluč pad aporaj ŁEP, jakaja ŭpała.
Miarkujučy pa ŭsim, mužčyna sprabavaŭ uźleźci na słup, kab zrezać draty, ale byŭ traŭmavany tokam, a paśla prycisnuty słupom, jaki pavaliŭsia.Viadoma, što achviara niebiaśpiečnaha promysłu pa zvarocie svajakoŭ sutki znachodziłasia ŭ vyšuku.
Pavodle Kodeksa ab administracyjnych pravaparušeńniach niezakonnaje «palavańnie» za kalarovym mietałam karajecca štrafam ad 10 da 30 bazavych vieličyń abo administracyjnym aryštam.
Praduhledžana i pakarańnie dla pierakupščykaŭ mietału (niezakonnaja pradprymalnickaja dziejnaść). Maksimalny štraf dla apošnich, kali jany nie źjaŭlajucca indyvidualnymi pradprymalnikami abo jurydyčnym asobami, składaje 50 bazavych vieličyń.