Uładzimir Jaromienak za sprobu ablić valarjankaj pomnik Leninu atrymaŭ 15 sutak
Moładzievy aktyvist byŭ zatrymany 6 listapada na płoščy Niezaležnaści ŭ Minsku. Pasiadžeńnie prajšło siońnia ŭ sudzie Maskoŭskaha rajona (sudździa Taćciana Motal).
Uładzimira Jaromienka abvinavačvali ŭ drobnym chulihanstvie pa art.17.1 KoAP. Na sudzie vystupiŭ tolki adzin śviedka — namieśnik načalnika Maskoŭskaha RAUS Aleh Bihunoŭ, paviedamiła pravaabaronca Nasta Łojka.
Prysud — 15 sutak.
Napiaredadni 7 listapada aktyvisty MF vyrašyli paśledavać prykładu zmaharoŭ suprać kamunistyčnaj ideałohii minułych časoŭ i ablili nastojkaj valarjany pastamient pomnika Lenina na płoščy Niezaležnaści. Meta akcyi — zaachvocić katoŭ i kotak z navakolnych terytoryjaŭ pryjści pad pomnik i «vykazać svaje pačućci».
Ale Jaromienak byŭ zatrymany achovaj Doma Urada i dastaŭleny ŭ RAUS Maskoŭskaha rajona.