Miaśnikovič skiravaŭsia z aficyjnym vizitam u Kazachstan, potym palacić u Banhładeš i Indyju

Uradavaja delehacyja Biełarusi na čale z premjer-ministram Michaiłam Miaśnikovičam adpraviłasia siońnia z aficyjnym vizitam u Kazachstan, paviedamili ŭ pres-słužbie ŭrada.

Vizit budzie doŭžycca pa 11 listapada. Zapłanavany sustrečy Michaiła Miaśnikoviča z prezidentam Nursułtanam Nazarbajevym i prem'jer-ministram Sierykam Achmietavym.

Kiraŭnik urada Biełarusi taksama voźmie ŭdzieł u pasiadžeńni biełaruska-kazachstanskaha dziełavoha forumu. Akramia hetaha, čakajecca, što prem'jer-ministr naviedaje ŭ Kazachstanie sumiesnaje pradpryjemstva TAA SP «KazBiełAZ», AT «Kienžer», mižnarodny navukova-vytvorčy chołdynh «Fitachimija».

Z 11 pa 13 listapada adbudziecca aficyjny vizit uradavaj delehacyi na čale ź Miaśnikovičam ŭ Narodnuju Respubliku Banhładeš. Kiraŭnik urada sustreniecca z prezidentam hetaj krainy Ziłuram Rachmanam, a taksama prem'jer-ministram Šejch Chasinaj.

Z 13 pa 15 listapada Miaśnikovič naviedaje z rabočym vizitam Indyju.

Prem'jer-ministr Biełarusi sustreniecca z prezidentam Pranabam Mukredžy i prem'jer-ministram Manmachanam Sinhcham.

Kamientary da artykuła