U Viciebsku vybuch kala budynka KDB? Zatrymlivajuć chłopcaŭ u kapiušonach
Pieršyja źviestki pra heta źjavilisia ŭ sacyjalnych sietkach kala 2-j hadziny nočy.
Pałac KDB u Viciebsku. Fota Darriuss.livejournal.com.
Ludzi paviedamlali, što kala budynka KDB adbyŭsia vybuch, i što zatrymlivajuć minakoŭ-chłopcaŭ u čornych kurtkach z kapiušonami.
Pradstaŭnik Biełaruskaha Chielsinskaha kamiteta ŭ Viciebsku Pavał Levinaŭ kala 3.40 ranicy pabačyŭ kala budynka abłasnoj upravy KDB pa vulicy Savieckaj nastupnuju karcinu:
«Zatrymanyja stajać tvaram da centralnaha ŭvachodu. Sprava, kala pravaha kryła budynka, naciahnuty abmiežavalnyja stužki.Na padjeździe da KDB staić słužbovy aŭtobus, u voknach haryć śviatło. Pierad budynkam — niekalki čałaviek u cyvilnym, terytoryju achoŭvajuć niekalki milicyjantaŭ ŭ formie».
Vidavočnych paškodžańniaŭ budynka pravaabaronca nie zaŭvažyŭ. Ale vyrašyŭ pacikavicca ŭ rajadździele milicyi, što viadoma pra zdareńnie kala KDB i ci byli zatrymanyja.
«Dziažurny pa Kastryčnckim RAUS admoviŭsia paćvierdzić ci abvierhnuć infarmacyju pra jakoje b to ni było zdareńnie.Jon skazaŭ, što nie ŭpaŭnavažany niešta paviedamlać, nakiravaŭ mianie ŭ pres-słužbu MUS Viciebskaha abłvykankama. Admoviŭsia paviedamić, ci byli zatrymanyja i jaki ich los», — paviedamiŭ Levinaŭ.
Reakcyja sieciva
Avis De Miranda: «Adureć! U Viciebsku niešta vybuchnuła kala KDB. padrabiaznaściaŭ nie viedaju. Tolki što brat viarnuŭsia dadomu — jaho siabra paviazali, bo byŭ u kapiušonie. Usich chłopcaŭ, jakija ŭ čornaj kurtcy z kapiušonam, usich u milicyju zabirajuć zaraz. U centry horada niejki kipiš, patruli chodziać».
Avis De Miranda: «Ciapier tolki ŭ adnym rajonnym adździaleńni milicyi ŭ aktavaj zale čałaviek 50 siadzić. Usie z kapiušonami».
Nadejda Belskaya: «Znoŭ pravakacyja?»
Natalla Radzina: «Patelefanavała ŭ viciebski KDB a 4-j ranicy. Adkazali «Biez kamientaroŭ».
Vadim Shmygov: «Heta značyć, Kanavałaŭ-Kavaloŭ zabityja, a vybuchi ŭ Viciebsku praciahvajucca? Ok».