ŁDP pačynaje vypusk partyjnaj haziety «Pravda Hajdukieviča»
Libieralna-demakratyčnaja partyja pačynaje vypusk haziety «Pravda Hajdukieviča», paviedamiŭ napres-kanfierencyi 12 listapada ŭ Minsku namieśnik staršyni partyi Aleh Hajdukievič.
Pavodle jaho słoŭ, ŁDP vystupiła zasnavalnikam novaha vydańnia i ŭžo vypuściła piłotny numar haziety. «Zaraz my źviartajemsia ŭ Ministerstva infarmacyi za rehistracyjaj hetaha vydańnia. I da prezidenckich vybaraŭ nakład hetaj haziety pavinien dasiahnuć 150.000 asobnikaŭ», — zajaviŭ Hajdukievič.
Jon adznačyŭ, što vypusk haziety — heta «realnaja palityka». «Našy apazicyjnyja palityki spadziajucca, što ludzi ŭ vioscy, babula Mania, praź internet pračytajuć ich hučnuju zajavu», — adznačyŭ Hajdukievič.
Apazicyja, pavodle jaho słoŭ, nie padtrymlivaje «navat tyja srodki masavaj infarmacyi, jakija jość». «Nu, jość u ich 20 tysiač členaŭ ŭsich partyj razam, čamu jany nie padpišuć ich na „Narodnuju volu“? Jany nie robiać navat hetaha, bo ich nie cikavić realnaje palityčnaje žyćcio», — miarkuje Hajdukievič.
Piłotny numar «Praŭdy Hajdukieviča» ŭjaŭlaje saboj čatyry pałasy farmatu A3 z poŭnakalarovym drukam. Nakład numaru — 299 asobnikaŭ.Jon pryznačany dla biaspłatnaha raspaŭsiudu. Adkryvaje piłotny numar intervju sa staršynioj ŁDP Siarhiejem Hajdukievičam.