Isłamisty zaklikajuć razburyć jehipieckija piramidy

Adzin ź lidaraŭ jehipieckich isłamistaŭ, pradstaŭnik ruchu «Taliban» Murhan Salem al-Hachary zaklikaŭ razburyć idały — piramidy i śfinksa, paviedamlaje Al-Arabia.

«Boh zahadaŭ Muchamiedu źniščyć idały. My pavinny zrabić heta z usimi pomnikami, jakija apanavali Jehipiet. Taliby ŭ Afhanistanie zrabili toje, što daŭno pavinien byŭ zrabić urad: jany razburyli statui Budy», — zajaviŭ al-Hachary.

Asudžany pry byłym prezidencie Chośni Mubaraku al-Hachary i jaho paśladoŭniki nieadnarazova zaklikali źniščyć usie staražytnajehipieckija pomniki, jakija nahadvajuć im pra idałapakłonstva.

Kali da ŭłady ŭ Jehipcie pryjšoŭ pradstaŭnik «Bratoŭ-musulman» Machamied Mursi, mnohija aścierahalisia, što jon prysłuchajecca da ich paradaŭ. Adnak Mursi, jaki nazyvaje siabie «prezidentam ŭsich jehipcian», nie źmianiŭ kulturnuju palityku.

Kamientary da artykuła