Bolš jak 500 podpisaŭ sabranyja suprać budaŭnictva biźnies-centra na pierasiačeńni vulic Charužaj i Haja
Pra heta paviedamiŭ staršynia arhkamiteta pa stvareńni hramadskaj arhanizacyi «Jeŭrapiejskaja pierśpiektyva» Viktar Jančurevič.
Pavodle jaho słoŭ, 12 listapada ŭ miežach hramadskaha abmierkavańnia prajekta podpisy pieradadzieny ŭ administracyju Centralnaha rajona Minska.
«My prainfarmavali žycharoŭ ab hetym prajekcie praz raspaŭsiudžańnie ŭlotak, i niekalki čałaviek ź miascovych pahadzilisia dapamahčy sabrać pratestnyja podpisy», — skazaŭ aktyvist. «Piaćsot podpisaŭ moža padacca niašmat, ale tam nie tak mnoha žycharoŭ žyvuć pobač z mahčymaj budaŭničaj placoŭkaj. My dumajem, što hetaj kolkaści dastatkova, kab vykazać mierkavańnie bolšaści žycharoŭ dla padviadzieńnia vynikaŭ hramadskaha abmierkavańnia», — skazaŭ jon.
Pry hetym, pavodle słoŭ Jančureviča, vyśvietliłasia, što pra abmierkavańnie prajekta viedali adzinki. Aktyvisty dla pryciahnieńnia ŭvahi da prablemy taksama raźmiaščali ŭ zialonaj zonie žartaŭlivyja pašparty z charaktarystykami abjekta.
Hetaje budaŭnictva pryviadzie da poŭnaha źniščeńnia zialonaj zony i prablem z parkoŭkaj aŭtamabilaŭ, miarkuje Jančurevič. Płanujecca pabudavać dzieviacipaviarchovy administracyjny budynak z handlovymi paviljonami. Płošča budynka składzie 6.202 kv. mietra. Płanujucca i 46 parkovačnych miescaŭ. «Takim čynam, budzie zaniata ŭsia zialonaja zona», — zaznačyŭ jon.
Aprača taho, žychary aścierahajucca, što naviedvalniki