Seksualny mańjak ź Minska pryznaŭsia ŭ 40 epizodach
Pra heta paviedamili ŭ Frunzienskim RUUS stalicy.
Raniej paviedamlałasia pra bolš čym 20 epizodaŭ napadu hetaha čałavieka na dziaŭčat. Ciapier jon pryznaŭsia prykładna ŭ 40 złačynstvach, a z zajavami źviarnulisia pakul tolki 13 paciarpiełych.
Uzrost padazravanaha — 24 hady. Hety minčuk dvojčy sudzimy za złačynstvy seksualnaha charaktaru. Ź jaho słoŭ, jon «pracavaŭ» u mikrarajonach Kuncaŭščyna, Kamiennaja Horka, Zachad, Sucharava. Ubačyŭšy na vulicy adzinokuju dziaŭčynu, nakiroŭvaŭsia śledam.
Dla napadu padbiraŭ adasoblenaje miesca: padjezd, lift, pustku.Vybraŭšy momant, chapaŭ achviaru, ale paśla taho, jak dziaŭčyna pačynała kryčać, supraciŭlacca abo klikać na dapamohu, złamyśnik źbiahaŭ.
«Chłopiec pryznaŭsia, što adnojčy jon zajšoŭ u svaich dziejańniach dalej. Šakavanaja dziaŭčyna nie akazvała supracivu, i jon pasprabavaŭ zhvałtavać jaje. Pieraškodziŭ zrabić heta poźni minak», — skazali ŭ milicyi.
Pravaachoŭniki adznačajuć, što pra svaje dziejańni jon raspaviadaje dosyć padrabiazna, spyniajučysia na abstavinach i detalach. Adnak toj fakt, što nie ŭsie achviary źviarnulisia z zajavaj, moža dapamahčy jamu syści ad adkaznaści.
Milicyja zaklikaje ŭsich, chto staŭ achviaraj hetaha čałavieka, źviarnucca ŭ orhany ŭnutranych spraŭ.«Usim harantujecca kanfidencyjnaść i maksimalnaja karektnaść», — padkreślili ŭ milicyi.
Źviartacca možna pa telefonach: (8–