Kaŭkaziec išoŭ u Niamieččynu i zabłukaŭ u Biełarusi
Jaho złaviŭ na miažy narad Lidskaha pamiežatrada.
Sprabujučy niezakonna trapić na terytoryju Jeŭracajuza, vychadziec z Kaŭkaza zabłudziŭsia na biełaruska-litoŭskaj miažy i viarnuŭsia ŭ Biełaruś.
Jak paviedamili ŭ pres-centry Dziaržaŭnaha pahraničnaha kamiteta Biełarusi,
ranicaj 12 listapada pamiž punktami propusku "Dociški" i "Ejšyškies" (Litva) za 150 mietraŭ ad biełaruska-litoŭskaj miažy pamiežny narad Lidskaha atrada zatrymaŭ maładoha čałavieka biez dakumientaŭ. Akazałasia, što žychar Kaŭkazskaha rehijonu nočču niezakonna pierasiok dziaržaŭnuju miažu, adnak zatym straciŭ aryjenciroŭku i viarnuŭsia ŭ Biełaruś.
Kančatkovaj kropkaj nielehalnaha maršrutu parušalnika dziaržaŭnaj miažy była Niamieččyna, dzie jon chacieŭ znajści lepšaje žyćcio.