Porsche Cayenne naśmierć źbiŭ 9-hadovaha chłopčyka kala škoły ŭ Sucharavie
Uviečary 13 listapada na terytoryi staličnaj škoły № 23 u mikrarajonie Sucharava aŭtamabil Porsche Cayenne naśmierć źbiŭ dzicia.
Na dadzieny momant viadoma, što heta byŭ chłopčyk dzieviaci hadoŭ. Jon byŭ adzinym dziciem u siamji, jaho vychoŭvała mama.
Abstaviny najezdu vyśviatlajucca. Pradstaŭniki DAI paviedamili, što za rulom Porsche Cayenne byŭ37-hadovy mužčyna, žychar adnaho z navakolnych damoŭ.
Najezd adbyŭsia kala 19.00. U 19:04 vidavočcy vyklikali chutkuju dapamohu. Miedyki sprabavali reanimavać dzicia, ale ničoha nie zmahli zrabić.
Kala škoły, akramia supracoŭnikaŭ Śledčaha kamiteta, DAI i pradstaŭnikoŭ ŚMI, sabralisia i baćki vučniaŭ škoły i žychary susiednich damoŭ.Kala 30–40 čałaviek prosta pryjšli na miesca trahiedyi. Niechta prynios kvietki, chtości — śviečki, chtości — miakkija cacki.
Źviarnicie ŭvahu — terytoryja škoły praktyčna nie aśvietlena. Dzieci vychodziać z budynka ŭ ciemru.