Ministr enierhietyki Rasii: Biełaruś zapłacić za rastvaralniki bienzinam

Alaksandr Novak aceńvaje ŭ 1,5-2,5 młrd sumu strataŭ rasijskaha biudžetu ad reekspartu rastvaralnikaŭ Biełaruśsiu.

Pra heta zajšła havorka ŭ intervju Novaka haziecie "Viedomosti". U pryvatnaści, jon adkazaŭ na takija pytańni.

— Nakolki ja razumieju, vy vystupajecie suprać taho, kab padoŭžyć abarot paliva standartu «Jeŭra-2» ŭ 2013 h.?

— My nie suprać padaŭžeńnia, my za toje, kab pracavać u adpaviednaści z zakonami i zaćvierdžanymi raniej narmatyŭna-pravavymi aktami. Jość zaćvierdžany ŭsimi techničny rehłamient. Terminy zabarony tak zvanaha paliva ekałahičnaha kłasa «Jeŭra-2» pieranosilisia ŭžo dva razy. Kampanii, jakija ŭziali na siabie abaviazacielstvy pa madernizacyi NPZ, pavinny ŭličvać techrehłamient. Kali budziem praciahvać terminy, nie budzie matyvacyi ŭkładvacca ŭ ich. Akramia taho, heta niespraviadliva dla tych kampanij, jakija madernizujuć svaje zavody zhodna z zajaŭlenym hrafikam.

— Deficytu nie ŭźniknie?

— My padličyli bałansy da kanca hetaha hoda i na 2013 h. — jany dazvalajuć nam mieć zbałansavany rynak.

Taksama ŭ nas jość mahčymaść pastavak naftapraduktaŭ z krain blizkaha zamiežža ŭ ramkach Mytnaha sajuza. U pryvatnaści, ź Biełarusi.

— Ci praŭda, što rasijski bok zapatrabavaŭ ad Biełarusi kampiensavać $ 1,5 młrd za historyju z «rastvaralnikami»?

— Pa roznych acenkach, patencyjnyja straty rasijskaha biudžetu składajuć ad $1,5 młrd da $ 2,5 młrd.

— Biełaruś budzie pastaŭlać naftapradukty ŭ košt hetych hrošaj?

— Pamiž Rasijaj i Biełaruśsiu padpisany indykatyŭny bałans ab pastaŭkach nafty i naftapraduktaŭ. Ciapier biełaruski bok zajaŭlaje ab 23 młrd t pastavak nafty na nastupny hod.

U hetym hodzie ŭ nas byŭ bałans na 21,5 młn t. Heta značyć, jany pavialičyli prapanovy pa pierapracoŭcy na svaich naftapierapracoŭčych zavodach.

— Unutranaje spažyvańnie u ich 6 młn t.

— Tak. Jany pavinny rabić viartańnie naftapraduktaŭ u Rasiju ŭ ramkach hadavych bałansaŭ.

— Abjom abumoŭlivajecca?

— Tak, my ciapier prapracoŭvajem i da kanca listapada ŭzhodnim hetuju ličbu.

— Na ŭmovach pracesinhu?

— Pa-roznamu. My budziem prapanoŭvać, kab i našy kampanii, jakija źjaŭlajucca ŭłaśnikami naftapraduktaŭ, i biełaruskija kampanii ŭ toj praporcyi, u jakoj jany źjaŭlajucca ŭłaśnikami, abaviazany byli viarnuć u Rasiju i pradać u nas na rynku atrymanyja naftapradukty, pierš za ŭsio aŭtabienzin.

Kamientary da artykuła