U Biełarusi moža źjavicca anałah słužby vyratavańnia «911»
U našaj krainie moža źjavicca adzinaja dziaržaŭnaja słužba reahavańnia na paviedamleńni ab nadzvyčajnych situacyjach i zdareńniach.
Hetaje pytańnie zakranałasia 15 listapada ŭ chodzie narady ŭ Alaksandra Łukašenki pa pytańni refarmavańnia MUS.
Ab prapanovie stvaryć takuju słužbu raspavioŭ dziaržsakratar Rady Biaśpieki Leanid Malcaŭ.
«Prapanujecca adziny numar „112“, a ŭžo tam buduć raźmiarkoŭvać.U pryncypie, u nas zarodki takoj sistemy jość, i było pryniata rašeńnie, što takuju sistemu treba stvarać, ale dla hetaha patrabujecca peŭny čas», — skazaŭ jon.
«Astatnija taksama zastanucca. Ale plus u tym, što takaja sistema zabiaśpiečyć pazaviedamasny kantrol za rehistracyjaj roznaha rodu zdareńniaŭ i złačynstvaŭ», — adznačyŭ dziaržsakratar.