Miaśnikovič pryznaŭ, što Biełaruś była na miažy defołtu
Nijakich uzrušeńniaŭ na valutnym rynku nie budzie. Pra heta prem'jer-ministr Michaił Miaśnikovič zajaviŭ siońnia žurnalistam.
«Situacyja na valutnym rynku ŭstojlivaja, kursaŭtvareńnie ŭstojlivaje, zołatavalutnyja reziervy nie rastajuć, a pryrastajuć», — padkreśliŭ prem'jer-ministr.
Michaił Miaśnikovič miarkuje: «Čym bolš budzie davieru da mier hrašova-kredytnaj palityki, jakija pravodziać Nacbank i ŭrad, tym mienšyja buduć straty kampanij i nasielnictva».
Pry hetym prem'jer-ministr pryznaŭ, što ŭ 2011 hodzie Biełaruś apynułasia na miažy defołtu. Ad jaho, na dumku premjera, krainu vyratavali ćviordyja administracyjna-abmiežavalnyja miery. «Abmiežavalnyja dziejańni z boku ŭrada spryjali stabilizacyi i niedapuščeńniu defołtu, jaki realna prahladaŭsia, i zabieśpiačeńniu stabilnaści valutnaha rynku. Hetyja zachady byli časovymi, jany byli skasavanyja paśla stabilizacyi situacyi», — skazaŭ Michaił Miaśnikovič u čaćvier u Minsku padčas plenarnaha pasiedžańnia Kansultatyŭnaj rady zamiežnych inviestycyj pry ŭradzie Biełarusi.
Čytajcie taksama:
Kamientary da artykuła