U hrodzienskaj turmie Źmicier Daškievič znachodzicca ŭ kamiery adzin

U hrodzienskaj turmie lidar mižnarodnaj arhanizacyi «Małady front» (Čechija) Źmicier Daškievič znachodzicca ŭ kamiery adzin, paviedamiła namieśnik staršyni arhanizacyi Nasta Pałažanka.

Pavodle jaje słoŭ, 15 listapada Daškievič sustreŭsia z advakatam. «U kamiery jon siadzić adzin. Jon ni na što nie skardzicca», — paviedamiła Pałažanka.

Pavodle jaje słoŭ, u Daškieviča ŭ kamiery niama radyjokropki, «ale jość mahčymaść jaje prynieści». «Pa ŭmovach strohaha režymu Daškieviču dazvolena tolki adna banderol, vahoj u 2 kiłahramy ŭ hod, tak što jon vymušany charčavacca tym, što dajuć u turmie. U miascovym kijosku jon moža nabyć sabie jašče što-niebudź, ale tolki pa zajavie, i nie bolš čym na 100 tysiač rubloŭ za miesiac», — skazała Pałažanka.

Kamientary da artykuła