Śledčy SK abaraniŭ dzieviacihadovuju dziaŭčynku ad piedafiła, zaśpieŭšy taho na miescy złačynstva
12 listapada kala 19-j viečara major justycyi staršy śledčy Vaŭkavyskaha rajonnaha adździeła Śledčaha kamiteta Valarjan Muraŭka, pačuŭšy na pustcy kryk. Jon tudy, a tam pabačyŭ mužčynu, jaki lažaŭ na dziciaci, što prasiła ratunku i płakała. Złamyśnik kinuŭsia naŭcioki, ale major jaho nazdahnaŭ i prymusiŭ zdacca.Zatrymanym akazaŭsia žychar Vaŭkavyska 1973 hoda naradžeńnia, sudzimy ŭ 2006 hodzie za złosnaje chulihanstva i rabavańnie. Pryčym rasśledavańnie toj kryminalnaj spravy pravodziŭ mienavita Muraŭka.
Paśla zatrymańnia padazravanaha
Spałochanaje dzicia ŭciakło.Na nastupny dzień dla jaho ŭstanaŭleńnia Muraŭka razam z supracoŭnikami milicyi abyšli škoły horada, raźmieščanyja ŭ rajonie miesca zdareńnia. Paciarpiełaj akazałasia dzieviacihadovaja dziaŭčynka, vučanica čaćviortaha kłasa.
Jana raskazała, što viartałasia damoŭ sa škoły, kali na prypynku da jaje padsieŭ nieznajomy dziadźka, jaki staŭ čaplacca, demanstravaŭ svaje pałavyja orhany,nastojvaŭ na ŭčynieńni nieprystojnych dziejańniaŭ.
Zatym zacisnuŭ rukoj rot i siłaj vyciahnuŭ na pustku, dzie raździeŭ i navaliŭsia źvierchu.
13 listapada Vaŭkavyski rajonny adździeł Śledčaha kamiteta raspačaŭ pa hetym fakcie spravu pa č. 2 art. 169 KK (raspusnyja dziejańni, učynienyja z prymianieńniem nasilla). Vyrašajecca pytańnie źniavoleńnia padazronaha pad vartu. U ramkach kryminalnaj spravy śledstva praviaraje jaho na dačynieńnie da anałahičnych złačynstvaŭ, učynienych u minułyja hady.